芯｜銅鑼灣抵食居酒屋

銅鑼灣嘅居酒屋一定好貴👀？今次介紹嘅呢間「芯」就位於銅鑼灣但價錢比較平，CP值都唔錯😆！不過佢個位置就唔係咁顯眼😶‍🌫️，大家係銅鑼灣行街未必會發現🙅🏻‍♂️

✨M6-7和牛腹扒 $192 /200g

呢個牛肉嘅牛味都唔錯，食落無筋又唔會好肥，肉質都唔錯。不過塊牛可能rest得唔夠耐，切出嚟仲有血水。呢個都值得一試👍🏻

✨原隻去骨燒春雞 $129

呢個CP值幾高，百幾蚊有原隻燒春雞，肉質都幾嫩滑！胸位部分已去晒骨方便你食用，只係雞鎚部分無去骨，保留原隻形狀。而味道唔會太濃，更重要係隻雞滑得嚟唔肥！值得一試👍🏻

✨加拿大豬鞍 $139

呢個豬鞍無煮到完全熟晒，大約8 9成熟，食落比平時嘅豬肉滑啲。豬肉嘅質素應該唔錯，即使8 9成熟都唔羶😋。

✨串燒：牛舌、牛肋肉、大蔥雞腿肉

串燒就正正常常，平時好怕食燒牛舌因為怕羶，不過呢個完全唔羶。而特別好嘅就係大蔥雞腿肉，呢個肉質比燒春雞更加滑🤤！

✨明太子大板燒 $85

見好多人嚟食飯都叫大板燒所以叫個嚟試試，辣辣地嘅明太子再配上大板燒都幾好食，個大板燒唔會好粉。

✨河魨乾 $43

味道正常，不過份量就少左啲。可能要叫2份先夠喉

整體嚟講，雖然餐廳細間，但食物質素幾唔錯，值得一試又唔算太貴。呢到都有酒賣鍾意飲酒嘅朋友更可以飲返杯🍻！

芯