香港葡萄園推介～唔同品種陸續登場
夏天為大地帶來夏令生果！
大大粒嘅提子想相信唔少人都鍾意食～除咗去街市買返屋企食之外，其實仲可以親手摘即刻食！今次就同大家介紹一下香港本地葡萄園，等你親手體驗摘提子嘅樂趣。
本地葡萄園1: 大棠生態園
位於元朗，佔地280萬呎，內有唔同設施及園區，包括馬場、露營營地、有機果園等。
提子園就係其中一部份，現時園內種植嘅提子開始收成啦！
首個收成嘅品種係"黑提子"，宜個就有得摘啦，睇落都幾大粒下
之後7月更有"香印提子"收成，收成期大約7月至10月。因為呢個大棠生態園除咗摘提子之外，仲有好多唔同活動俾你玩。如果唔想去農莊淨係摘生果，呢個地方就啱晒大家！
可以話係拍拖/親子活動好去處，一齊親親大自然。
所以需要收取入場費，而摘提子費用則另外計算。
入場費：$80
摘黑提：$80/磅
地址：新界元朗大棠山道11號
本地葡萄園2: 391葡萄園
由2019年先開始營運嘅葡萄園，專門種植香印、夏黑葡萄既農場。
現時可以開始收成嘅品種為夏黑葡萄，香印提子同樣需要7月後。
電話：9438 5251
地址：新界粉嶺坪輋大埔田391段（雲泉仙館對面）
本地葡萄園3: 朗屏士多啤梨葡萄園
位於元朗5萬呎，一共有3種提子比你揀，包括巨峰、香印、晚夏。
5月當造嘅提子會先係晚夏提子，而巨峰及香印提子則需要7月後。
同場仲有其他農作物比你摘同餵吓小動物添🐑
摘提子價錢：$90/磅 起 (香印及巨峰價錢會較高)
電話：9251 8926
營業時間：08:00 - 19:00 (星期一至日）
地址：元朗大棠路大棠村
泊車：星期一至五免費，星期六或日假期30元任泊一天
交通：於朗屏站B2出口，轉乘K66巴士到「大棠山迴旋處」站落，再行入大棠村
コメント