沙嗲牛肉喺唔少香港人嘅至愛😍，濃郁嘅沙嗲味雖然好邪惡但食落好滿足！所以今次就試下以沙嗲湯底聞名嘅 「方榮記沙嗲牛肉專家」
✨沙嗲沙底 $40
佢哋嘅沙嗲湯喺用自家炒嘅沙嗲醬，同一般茶餐廳所用嘅沙嗲好唔同👍🏻，完全2個唔同層數！超濃郁嘅沙嗲湯好似起沙咁，仲要有粒粒嘅花生，可見喺真材實料。
✨河粉 $15
食沙嗲沙底要配下啲粉麵食先夠滿足，所以我哋就揀咗河粉。河粉放入沙嗲湯吸收晒沙嗲嘅精華，食到濃郁沙嗲嘅河粉，唔想食麵可以試下食河粉😆。
✨機切牛肉 $188 (大)
厚薄都適中，牛肉味都唔差，不過脂肪分布唔喺好平均，有啲太瘦嘅話食落就好韌。而分量都應該有1磅左右
✨手切牛肉 $258 (大)
雖然呢款牛貴啲，但唔夠價錢較平嘅機切牛肉好食。因為可以手切得比較大，牛肉本身比較瘦，食落都幾韌下😅，需要咬比較耐時間先吞到，食到好攰..
✨雲吞 $38
味道好一般，大家可以唔洗叫
✨酸梅湯 $40/1渣
都幾大渣同幾好飲👍🏻，呢個價錢都幾抵。打邊爐沙嗲湯底咁重口味，酸梅湯就啱晒！
注意🌟：嚟打邊爐嘅話，未叫野食之前啲員工會放一盤菜比你(小盤$20，大盤$40)。如果唔想食可以叫佢攞走，唔洗比佢局你要。
コメント