2022年3月5日讀畢需時 2 分鐘

Chaiwala｜正宗隱世印度餐廳

已更新：2022年4月18日

Chaiwala係一間位於中環嘅印度菜fine dine餐廳，呢間餐廳係喺地庫，所以都唔易搵🤣無一個牌寫住，大家要影就認住佢地個藍色牆紅色門啦🤣

入到黎餐廳氣氛好好，好浪漫，好岩同朋友打卡或者帶埋您嘅另一半過黎💓

值得一讚嘅係Waiter會細心問我地有無黎過，再介紹啲菜式比我地，所以就算無食過印度菜嘅朋友都唔洗擔心👍🏻

✨Masala Beef Balls 瑪薩拉肉丸 $150

肉丸嘅每一粒都幾大粒，醬料都幾香幾濃，呢個配搭都幾好食😋

✨Old Delhi Butter Chicken 牛油雞配番茄葫蘆巴醬 $150 ｜Basmati Rice 印度香米飯 $40 ｜Naan Buttered 牛油饢餅 / Naan Garlic 蒜香饢餅 $45

一開始都驚印度醬汁會好辣，但呢個就一啲都唔辣仲好香🤤雞就比較偏乾身，唔係好食得出雞味🤣因為佢地個醬汁都真係幾濃下👍🏻

用naan黎點佢地個醬汁就真係一流啦！再唔係可以嗌多個飯，撈埋佢地嘅飯食真係好好食！而佢地嘅飯一如傳統係好粒粒分明，好有咬口，撈埋佢地嘅醬汁真係好特別！

今次我地試咗佢地牛油味同埋蒜香味嘅naan，兩個都好香好煙韌😋佢地嘅牛油味唔算好重，所以唔係好食得出牛油味，反而蒜香味幾濃幾香，個人黎講就中意蒜香多啲👍🏻兩隻都唔算話好油好膩，小編食過出面有啲都幾油下😪

✨Dakshini Prawns 南印風味大蝦 $230

啲蝦都幾爽口彈牙，但食完咁多個咁重醬料嘅味道之後就覺得呢個好似冇乜特別🙈個人覺得可以試吓其他都唔錯。

✨Bombay Fried Chicken 孟買風味炸雞配醃番茄蛋黃醬 $100

最後就到呢一個炸雞啦，我唔知係唔係因為凍咗啦，所以唔係好脆😮反而有啲乾身，我個人黎講都唔太推介呢一個🙈

總括而言，呢間餐廳都幾啱情侶/幾個Friend一齊去打卡🤣一入到餐廳真係幾有feel，佢哋啲嘢食都幾香幾好食👍🏻用黎打卡都幾岩🤣不過如果男士嘅話我諗就未必夠食啦🙈如果大家第一次去都可以問吓waiter有咩介紹比大家～

Chaiwala