欣賞連島沙洲 ＋ 浮木橋 ＋ 香港少有水上房屋
想出去郊外唞吓氣但唔想行太耐可以去邊❓
今次介紹嘅路線就岩晒大家想輕輕鬆鬆去郊游，地點就係欣澳長索島啦🌟！
由欣澳站A出口開始步行，沿住海濱行，其實行半個鐘左右就可以到鹿頸村。如果想再輕鬆啲可以搵架共享單車🚲踩過去就唔洗行咁耐，沿途會見到啲水上木樁 ，其實係以前木倉嚟存放木村，用嚟防止木材漂走🪵。
浮木橋 + 水上房屋
鹿頸村有現時好少時到嘅水上木屋，係經由浮木橋行過去。呢條浮木橋係唔少人嚟到嘅打卡位，不過水上木屋係有居民住，所以係浮木橋影相唔好行太近民居🙅🏻♂️，切勿騷擾居民。
白色燈柱小碼頭 ＋ 石灘鞦韆
沿村內嘅路繼續行到尾會見到白色燈柱小碼頭，而碼頭旁邊嘅石灘中，有一棵樹就掛左個鞦韆，唔少人會同鞦韆打卡📸 (只係用繩掛住樹嘅鞦韆，安唔安全就自行判斷)
長索連島沙洲
沿石灘前行一段時間，就會到長索連島沙洲。每當潮退時，鹿頸村同長索島中間嘅一段路就會露出水面⛰️，可以直接行去對面長索島，最多人嚟打卡嘅地方📸。不過大家就要事前做下功課睇下潮退係幾點預時間嚟～
而係欣澳睇日落都唔錯架！有啲人仲會係海濱長廊到 紮營睇日落添🌄。但記住！垃圾要清走，唔好亂拋垃圾啊❗
欣澳長索島
欣澳站A出口>欣澳海濱長廊>鹿頸村>長索連島沙洲
時間：去程30分鐘左右
交通：港鐵欣澳站A步行
Comments