✨阿根廷紅蝦伴龍蝦汁闊蛋麵 $118
至於呢一個真係好好食！睇佢地嘅賣相已經好吸引，每一啖龍蝦汁都掛住咗喺闊蛋麵到，令到您食每一啖闊蛋麵嘅時候都食到好濃嘅龍蝦汁味🤤真係好正！仲要佢地嘅闊蛋麵口味都幾煙韌，唔會太厚，呢一個真係好值得試！
✨威靈頓牛柳 $198
呢一個威靈頓牛柳都幾唔錯，今次我地揀咗5成熟，肉質方面都香嫩同埋幾多肉汁，都幾唔錯👍🏻🤤
✨烤焗芝士虎蝦墨汁意大利粉 $108
本身呢個係配risotto，但餐廳同我地講無晒risotto所以就轉咗意粉🙆🏻♀️隻虎蝦都幾大隻，意粉就香墨汁味，都唔錯嘅🙈
✨魔鬼牛油果軟殼蟹薄餅 $118
呢一個pizza就不過不失啦，軟殼蟹唔算特別脆，不過pizza都重芝士料，睇得出都有落重料嘅👍🏻
✨芝士焗薯條配松露沙律 $48
首先係芝士焗薯條配松露沙律，松露醬好香，加咗sour cream成個味道好開胃，而家份量都唔算少，不過美中不足嘅係塊芝士唔夠溶，所以食落嘅時候啲芝士痴埋咗一舊，凍咗嘅時候就更加硬咗一塊野咁😕可能就係因為咁所以啲薯條就好快淋咗🥺個人黎講呢個可以唔洗特登試🤣可以試下佢地其他小食！
✨跟餐加配 $30
另外我地都加咗30蚊轉咗個set，包一杯普通野飲，是日餐湯，同埋蒜蓉包。順帶一提，佢地個日嘅餐湯係忌廉三文魚湯，呢個湯真係好好飲！濃濃嘅忌廉味，仲有好多煙三文魚嘅配料，飲落去您會覺得自己好似食緊平時嘅忌廉意粉汁🤤大家真係要試吓！蒜蓉包配埋佢地嘅蕃茄他他幾開胃幾特別😋
✨Cookie Black $48
至於野飲方面，呢杯Cookie Black其實就係曲奇咖啡沙冰，咖啡味幾濃，再配埋曲奇沙冰就唔會太甜😋另外我地仲嗌咗個Cookie Sweeties ，呢一個就係曲奇朱古力沙冰，呢個沙冰反正就幾甜下🥶佢地個朱古力味有少少死甜，個人黎講就唔推薦啦。
最後仲嗌咗一杯Peach Flower，佢係接骨木蜜桃梳打，飲落都幾fresh幾特別，好少可係出面可以飲到接骨木😂用黎配搭意粉、肉呢啲重口味啲嘅菜式都好岩啦😋
整體黎講我覺得呢間餐廳cp 值都幾高👍🏻價錢唔算貴，我個人就最中意佢地嘅闊蛋麵，佢地嘅麵質令我幾有驚喜🤣再配埋佢地龍蝦汁，真係好值得大家去試下！
味道：4/5
價錢：4/5
環境：3.5/5
整體：3.8/5
LA Restaurant & Dessert Bar
地址 : 旺角通菜街25號地舖
コメント