Lunch平平地想食西餐，見大圍呢間"風車”價錢唔貴就入去試試！分別叫左2個餐，每個餐都會包餐湯/沙律，仲有一杯野飲👍🏻
✨黑松露野菌炒意粉 $68（套餐價）
黑松露意粉其中一個重要嘅元素緊係要重黑松露味! 呢個意粉嘅黑松露都夠濃，醬汁幾Creamy。食頭幾啖覺得好惹味😋，不過食到尾可能會覺得有啲鹹咗少少。而意粉質地唔錯，硬度適中幾煙韌。如果鍾意濃味啲嘅朋友就岩晒。
✨煙肉芝士牛肉漢堡 $79 (套餐價)
漢堡嘅麵包有烘一烘所以麵包皮比較脆，而用料都幾足有2塊煙肉1塊芝士再夾牛肉漢堡扒😍。牛肉漢堡都幾Juicy🤤，不過食落牛肉味個人應為差少少，但整體係唔錯嘅！呢個價錢係餐廳食有餐湯/沙律，有野飲有埋薯條係幾抵食嘅
而餐飲我哋選擇左咖啡，味道都唔差。好過一般茶餐廳好多。呢度係酒吧餐廳想飲返杯酒又得！環境都唔錯
佢地仲有做劈價外賣餐，仲抵食🌟～
コメント