有近140年舞火龍歷史習俗！帶你認識香港非物質文化遺產
大坑火龍文化館將於6月底開幕！場館介紹近140年大坑舞火龍歷史習俗，當中設有模擬舞火龍打卡場景、手帕刺繡工作坊、客家菜餐廳等等。預計文化館於本月底開放，市民可免費入場，參加導賞活動需提前預約。
大坑舞火龍文化
大坑舞火龍有逾百年歷史2011年獲列為國家級非物質文化遺產，過往會在每年中秋節都出動。 儀式係中秋前後，即農曆八月十四、十五、十六三個晚上，舞動火龍繞村遊行，沿途燃放爆竹，希望消災滅瘟！因為據聞1880年大坑曾發生瘟疫，所以演變有舞火龍習俗。
火龍文化館內設施
大坑火龍文化館樓高三層，地下為展覽館，介紹舞火龍歷史、製作過程、行走路線等，亦會講解大坑客家村嘅演變。而大坑火龍文化館為發展局「活化歷史建築伙伴計劃」第四期項目，前身係晚清時期「孔聖義學」嘅戰前建築物，屬於香港三級歷史建築。活化工程保留原有建築特色，所以展覽同時會介紹建築物活化過程嘅經過。一樓設有客家菜餐廳，不過因牌照問題暫時未開放。二樓是多用途空間，將會舉辦刺繡工作坊、展覽、講座等活動。
復辦大坑舞火龍視乎疫情狀況
不過因疫情影響，過去兩年舞火龍都停辦，林筱魯表示希望今年中秋可以復辦活動，但實際情況仍需視乎疫情發展而定。
大坑舞火龍文化館
地址：銅鑼灣大坑書館街12號
開放時間：逢星期一閉館
*免費入場
Comentários