母親節好去處！帶媽媽去賞花～好過買花啦！
嘉道理農場暨植物園早前都重新開放俾公眾參觀！呢度有唔少動植物保育設施，為大家保留香港自然美嘅郊區環境。園內種植許多鮮花品種， 種類繁多可以話一年4 季都有唔同品種嘅花開花！園內面積超過148公頃，大到大家會蕩失路架。
帶媽咪睇花好去處❤️～
5月嘉道理農場暨植物園內都有69種花種都有機會見到！色彩繽紛唔同顏色都有，帶媽咪去欣賞呢個「大自然花束」更有心意～其實父母都係想知道有多啲時間陪伴佢哋姐，帶佢哋出去活動下可能更開心🥳
5月盛開嘅花種：馬利筋、白常山、密花石斛、繡球花、山茶花等等(多到數唔晒🤣)
其他園內景點
除咗唔同花種及植物外，園內仲有唔同動物可以欣賞～因為會經常拯救受傷嘅動物或照顧從非法食用和寵物貿易中拯救嘅動物。參觀動物館之餘，當中仲有展示相關嘅教育展板，從而教育公眾更多有關保育環境及動物棲息嘅資訊。
園內觀光巴士
園區咁大唔想行咁辛苦？可以選擇乘坐園觀光巴士，方便來往園區不同景點！
當日購買嘅車票只限當日使用，都係$20姐～
嘉道理農場暨植物園
入場費：12至59歲（$40） / 4至11歲（$20）。
4歲以下、60歲或以上長者及合資格殘疾人士（星期一至五免費入場，星期六日及假期$20）
開放時間：星期一至日 9:30-17:00
Comments