名不副實嘅JK Brother 令人失望🤦🏻♂️
JK Brother本身小編都已經嚟過一次，第一次俾我哋感覺唔錯，又有海鮮又有小食仲有牛肉都約抵食，所以今次都即興再嚟食多次，不過第二次俾我哋嘅感覺就唔係咁好啦😔
今次我地book咗5點，我哋大約四點十左右到，一出lift，等lift嘅位置非常細，所有人都迫埋同一個空間入面，根本都出唔到lift，我哋多口問句點解唔入得去嘅，其他人同番我地講侍應同佢哋講未夠鐘唔入得去，現場嘅人都開始有少少鼓燥，畢竟疫情底下要大家身貼身等位，的確有啲唔係咁好。最後其他人同返侍應講我哋出邊嘅情況，最終都俾我哋餐廳入面等入位（等夠5點比我地入去）。不過未入去食，俾我哋感覺已經唔係咁好啦🥺
✨美國Prime牛板腱 $248 （7點前離座價錢）
肉質唔算嫩滑，有少少乾身，我哋望到隔離枱另一款【美國穀飼肥牛 $218 （7點前離座價錢）】 ，牛肉嘅脂肪佔比例都幾高，應該有7:3左右，我哋都唔太好牛肉嘅脂肪，所以都好彩冇揀到呢款🥶
但個爐真係唔掂，個鍋嚟左20分鐘都可以未滾，又無蓋提供。職員只係叫我哋等多陣，120分限時淨係等個鍋滾已經無咗一節時間🤦🏻♂️
牛肉頭兩盤好，但去到後面refill質素開始下降，可能因為廚房解唔切凍，嚟到都仲係硬梆梆成舊牛肉，碌熟咗之後都有浸雪藏味🥶
✨海鮮
呢次嘅海鮮直頭令我哋好失望😭我地撈咗啲聖子同埋蜆，但食落其中幾隻都好臭好腥，直頭有陣尿壓味，食到對筷子都好臭，頂唔順換過對。食到呢頭，真係無乜心機食埋落去。。本身諗住熟食可能會好啲，嗌咗個熟蠔試吓，但點知都係好腥🥺🥺我諗海鮮呢到真係麻麻地
✨醬油鮑魚
的確幾入味，口感都煙韌彈牙，都幾值得一試👍🏻
✨甜品
芝士撻同奶黃牛角包都幾唔錯😍好明顯呢啲都係批發番黎再整番熱，所以味道都唔錯～芝士撻芝士味好濃郁，芝士饀好creamy！奶黃牛角包都幾特別😂食到入面真係食到啖啖奶黃味😆兩樣野出到黎仲好熱辣辣，真係唔錯✌🏻
總整黎講，我覺得JK Brother熟食方面係做得出色過佢地主打嘅海鮮同牛肉嘅🤔不過都可能因為我今次黑仔啦，食親嘅都已經臭咗，所以如果淨係旨在食海鮮同牛肉嘅朋友可能就要諗諗啦😟
至於佢地嘅衛生環境我就要有所保留啦，小編我拎咗個杯，但見到仲係好多漬，好明顯就係未洗乾淨🤢另外仲見到有隻細曱甴痴住係小編隔離啲牆罅位，真係好唔開胃。。再加上無啦啦飲飲吓野見到有隻野飛咗落杯野到。。
希望餐廳方面會對衛生同食物質素有所改善！
味道：2
價錢：2
環境：2
整體：2
JK Brother’s
Commentaires