日系庭園風格～四合院設計
日本🇯🇵係好多香港人嘅第二個鄉下👀，宜家好耐冇去旅行想搵返去日本嘅感覺❤️？可以去下鑽石山嘅南蓮園池😍！呢度有港版 #金閣寺 之稱⭐。
園內設計採用四合院嘅形式，為三進三重門一院式布局，佔地35,000平方米。亦有唔少植物、岩石擺設等，同日式園林設計都幾相似架～當中一草一木都有悉心考量設計出嚟，以唐朝園林為藍本，營造好有園林Feel嘅打卡地方📸，感覺幾舒服仲好寧靜添！
打卡位1：圓滿閣
呢個係園內最矚目嘅位置，金碧輝煌嘅八角形外觀，配上紅色拱橋，好古色古香嘅感覺，影出充滿詩意嘅照片～同日本金閣寺 有幾分相似！
打卡位2：香海軒
唐式中庭四合院，以桂香、九里香及十里香為主調。建築由檜木打造而成，棕色建築外觀，配合中庭綠油油嘅園景，真係有少少日本風味！
打卡位3：唐風小築
其實呢度係小食屋及售賣紀念品嘅地方，建築外貌充滿復古氣息，好似去到日本古時大街嘅感覺！如果肚餓可以到小食屋買小食，呢度只提供素食選擇～
打卡位4：志蓮淨苑
以唐代佛寺作建築藍本，內有天王殿、大雄殿等殿堂入面有唔同佛像供奉，以及一個荷花池。
打卡位5: 水車磨坊
由石磨、水碓、水輪三部份組成一體嘅裝置，係中國農家傳統工具。
夜間另類特色
🌃夜晚園內都會有燈光，影出嚟仲有另類風格❗
影片俾大家睇下日間同夜晚嘅分別
小貼士：用啲古典風嘅fiter影相更加Feel!
鑽石山 - 南蓮園池
時間：07:00 - 21:00
地址：鑽石山志蓮路5號
Comments