今次黎到觀塘區嘅古今二同大家實測下😏✌🏻！見OpenRice都幾多人讚😆就等我地黎同大家睇下係咪真係咁好食啦～
✨三文魚壽司 $28/2件
呢度嘅三文魚壽司普遍都偏瘦身，無咩魚油，食落去口感唔係好肥美，有少少乾，食唔到嗰種入口即溶嘅感覺同油香，如果係鍾意食肥膩啲嘅朋友呢就未必啱你啦🧐。個人就覺得唔喺好得
✨金龍卷 $88
至於呢個金龍卷就相對唔錯啦，三文魚嘅油脂配上入面脆卜卜嘅炸蝦，成個口感都好特別！個人嚟講都幾值得一試！
✨辣味三文魚壽司薄餅 $88
相信唔少人同我一樣都一定會覺得呢個壽司薄餅幾得意🤣大家估唔估到上面黃色脆卜卜嗰啲係咩嚟嘅呢？其實係薯片嚟㗎！配埋上面嘅三文魚蓉，成個口感真係好得意🤣如果你唔係咁鍾意食得咁油膩嘅話，可能呢個就未必啱你啦！不過就真係夠晒特別！但食呢個好濟
✨安格斯蔥牛卷 $58
反而一個蔥牛卷真係有少少伏啦😩啲醬汁係做得幾好嘅，但啲蔥食落好生好大陣味，牛肉好韌，完全唔知點樣食😩個人嚟講都唔太好呢個，最尾都要拆出來逐樣逐樣咁食🤥
✨秘製蒜香牛油燒帆立貝（1串）$28
呢一個燒帆立貝就正正常常啦，唔算話特別大隻，張圖都幾吸引所以嗌左，但出到嚟好似就普普通通啦🤣大家可以唔洗試呢個～
✨海膽炒飯 $138
眼睇唔喺好見有海膽，食落無咩海膽味，炒飯主要配料喺仿蟹柳、日式魚蛋等平價材料。呢個炒飯就唔多好食，性價比低
總括嚟講，個人嚟講如果過嚟食嘅就唔使嗌啲出邊都有嘅壽司啦～反而可以試吓佢哋一啲特別啲嘅例如卷物。見比較好多人都有嗌佢地鍋物，相信鍋物可能吸引啲！如果大家試過都可以同我哋講好唔好食啊🤣
PS : 順帶一提，小編們食完呢間野之後都要係咁飲水🙈餐廳應該都落咗幾多味精下
Comments