今次決定玩玩新意思！唔再淨係食西餐😋決定試吓啲新野——土耳其/中東菜！
一入到黎餐廳環境佈置都幾靚☺️吊住啲好有土耳其民族風情嘅馬實克吊燈，用嚟打卡就岩晒啦🤣最欣賞嘅係，佢地連餐墊、餐具都好特別👍🏻
✨乳酪黃咖喱雞配中東皮塔餅 $126
呢一個真係要嗌黎試吓👍🏻佢地嘅咖喱唔會好辣，反而幾惹味🤤配埋佢地個皮塔餅幾好食！但呢一個皮塔餅唔似我地平時食開個隻印度薄餅nann，口感比較煙韌，不過用嚟配佢哋個咖喱雞喺唔錯☺️
✨墨西哥牛肉芝士餡餅 （4件）$98
呢個真係黎到必必必食！一黎到真係好熱辣辣！拎上手已經感受到佢哋好足料😋裏面有勁多芝士，咬每一啖都拉到絲🤤配埋佢地嘅墨西哥牛肉，真係啖啖都好足料！點埋佢地嘅乳酪醬，唔會怕食到好油膩！大家嗌嘅話記得趁熱食！
✨脆皮炸豬手（半隻）$128
最後呢一個豬手都相當出色！外皮炸到好香脆，唔會好有油膩感，肉質軟腍，食落去feel到炸豬手嘅骨膠原🤣真係唔錯！配埋佢哋嘅酸菜，真係好開胃！小編們食過唔少餐廳嘅豬手，呢一個都絕對係數一數二好食👍🏻
總結嚟講，野食方面呢間餐廳的確係做得唔錯👍🏻😋不過呢間餐廳就有個幾嚴重嘅問題，就係要等。好。耐😭我哋等嘢食足足等咗大半個鐘😭如果大家要嚟食嘅話，最好唔好趕住去下場啦🤣
Comments