平時好少會黎到佐敦呢到食野，聽人講呢間韓國野幾好食，有時經過都見到佢地好多人排隊，所以就緊係要黎試下啦～
不過溫馨提示，佢地呢間餐廳無得booking，淨係接受walk-in，喺餐廳出面等都幾熱下🥵唔想等咁耐嘅朋友記得要早啲過黎！（我地7點到，都等咗一個鐘到）
✨星星豉汁味炸雞 $88
佢地炸雞嘅醬油汁好惹味😋不過份量唔算多，幾個人黎食一人一舊岩岩好🙈
✨芝士海鮮炒飯 $98
呢個芝士海鮮炒飯真係十分十分推薦！真係好好食🤤佢地海鮮嘅鮮味十足，撈埋芝士同粟米，唔會好漏之餘又食到啖啖芝士😋我地自己再加埋佢地伴菜比我地嘅泡菜，好好食！🥳順帶一提，佢地嘅芝士焦都好好食！
✨星星炒年糕 $98
至於呢個炒年糕就同我地有少少出入🤣一開始諗住佢應該係成碗都係炒年糕，但出到黎好似拉麵多過年糕🤣擺耐咗食啲麵都開始漲變咗做成餅野，仲要有少少咸🙈我諗下次黎都唔會嗌呢個🤣
總括嚟講，呢間韓國餐廳性價比真係十分高🤤味道好食之餘仲要價錢實惠👍🏻芝士沙鮮炒飯真係好推薦大家！佢地店舖細細，但都有好多唔同野食！雖然係等耐咗少少，不過見佢地仲有好多辣炒同湯飯都好似好好食，下次一定會再黎試下😍
Comments