上網見到唔少人讚「小火焰」吧韓國菜好食👀，所以跟住去實測一下，睇下係咪網上所講咁好。
✨溶岩芝士炸雞麵包 $158
食韓國菜當然唔少得食炸雞啦，見佢有溶岩芝士炸雞所以就叫嚟試試。芝士係有唔少，炸雞沾上濃濃嘅芝士食落好滿足👍🏻，炸雞味道正常。但伴碟嘅薯片就幾碎下。
✨韓式甜辣年糕炸雞（大）$188
相比芝士炸雞，個人認為甜辣年糕炸雞更好食👍🏻，甜甜地辣辣地幾開胃。而呢款炸雞比較大舊，食落都啖啖肉。
✨芝士海鮮菜餅 $78
見個菜式幾特別所以叫左，但食落無咩味道同海鮮配料唔多，食完都唔知食左咩😅，所以唔推薦大家試。
✨拉絲芝士BB豬肋骨伴泡菜炒飯 $108
雖然話泡菜炒飯但就無咩泡菜味，飯質就霖左啲，如果鍾意食粒粒分明嘅飯粒就唔岩你🙅🏻♂️。好彩上面有加芝士惹味啲，而豬肋骨就正常唔差。
✨牛肉石鍋飯 $108
呢個係嚟到侍應幫你炒，原本未炒就見到一片片嘅牛肉，但炒到啲牛肉好碎，所以變左碎牛飯。。。食唔到牛肉嘅質感，但味道都可以
✨蟹膏海鮮炒年糕 $128
呢個炒年糕就唔錯，海鮮有青口、蝦、八瓜魚等材料，都幾足料。而個醬汁加咗蟹膏去煮食落好惹味，配年糕都幾夾👍🏻
✨曲奇沙冰 $48
呢個沙冰完全無曲奇味😵。。唔應該叫曲奇沙冰應該叫朱古力沙冰﹐因為完全得朱古力味。同埋味道都幾淡，只係放左塊oreo就當曲奇沙冰🤦🏻♂️
✨草莓3.6牛乳雪花冰 $78
雪花冰都幾綿，但牛乳味可以再濃啲就好。而雪糕就似啲平價牌子雪糕
✨朱古力窩夫 $68
呢個窩夫味道就唔太好，而且個窩夫質地硬咗啲。所以如果想食甜品可以去返甜品店食比較好。
整體嚟講，無網上嘅人講到咁好食，食一次就夠，唔會想encore
Comments