重開啦！主教山水庫導賞團5月16日重新開團～5月3日接受預約
近日疫情趨回落，唔少活動都陸續重開！而深水埗主教山百年水庫琴日(28/4)宣佈重新開放參觀！
呢個百年水庫因清拆工程而意外曝光嘅主教山百年水庫🌟，呢個係20世紀初落成嘅戰前巨型羅馬式地下蓄水池，歷史悠久👀，已列入香港一級歷史建築～入面嘅設計有仿羅馬紅磚拱券及花崗石柱等具歷史價值嘅建築風格🤩，係香港少有嘅羅馬感覺建築🏛️！
建築圖片
導賞團內容
參觀導賞團每日增加至三團，每節90分鐘，開團時間分別為每日早上10點、下午2點、下午3點半。每團名額增至24人，等多啲市民有機會參觀！導賞團包括參觀配水庫嘅設計風格及建築結構，同大家講解前深水埗配水庫嘅歷史背景，從而提升大家對水務歷史建築及文物保育意識
5月3日接受預約
市民最快可以於5月3日(星期二) 早上9點預約參觀，參觀團將會分為個人及團體預約參觀。
星期一至五 第三節時段(15:30-17:00)將會預約團體申請參觀。
成功預約嘅朋友需於指定時間去深水埗巴域街（近聖方濟各英文小學對出行人路）集合。
參加導賞團必須使用「安心出行」及符合「疫苗通行證」要求
暫時「疫苗通行證」要求喺需要打齊2針先可以進入場所。
Comments