90分鐘直達大澳～唔洗等幾程車！推介大澳必食攻略
唔係住東涌嘅朋友，每次去大澳好似長征咁。。。要轉幾次車再加等車都幾晒時間
但宜家逄星期日去大澳有新選擇啦～可以由中環9號碼頭出發坐船直到大澳！
今個星期日(29/5)就開始營運啦！
香港水上的士
來回票價$130，大小同價，3歲以下小童免費。會由中環9號碼頭出發，朝早9點半開船，單程航程時間約90分鐘。航線逢周日開航。
現只設2班船，分別是朝早9點半在中環九號碼頭開出，下午4點15分在大澳公眾碼頭開出。航線將途經葵青貨櫃碼頭、青馬大橋、屯門黃金海岸、香港國際機場、港珠澳大橋橋底附近及將軍石，好彩嘅話有機會見到野生中華白海豚。
大澳必食攻略
1. 滷水大墨魚 $60
原隻大墨魚即場切，爽口彈牙，滷水都幾入味，雖然價錢比較貴但都值得一試！
復興行
地址：大澳永安街4D舖
2. 蝦豬餅 $30
餡料有豬肉碎同生菜，當中豬肉碎係用蝦醬炒成，離遠都聞到好香嘅蝦醬味！
蝦醬同豬肉嘅味道好夾，加上生菜中和，唔會太鹹味。鍾意食蝦醬嘅朋友一定要試！
張財記蝦醬
地址：大澳吉慶前街41號地下
3. 即炸沙翁 $14
即刻炸熱辣辣，外脆內軟，蛋味香濃。係好多嚟大澳必食嘅甜點～所以要排隊排比較耐。
Comments