遊覽大水管鐵路+河畔風景+再嘆豆腐花
帶住口罩跑步都幾辛苦👀，所以建議大家踏單車🚲。一方面做到運動又無咁辛苦(除非你飛車)而踏單車可以去邊好❓ 今次同大家介紹上水 - 大水管單車遊🚴🏻♀️，踏單車做運動之餘仲可以去影下相📸、食野一條龍😆！去到上水首先緊係租單車，由上水站A3出口可以到上水單車匯合中心/上水單車特賣場，或租用共享單車。
第一站：雙魚河
租車後就踏去雙魚河方向，可以踏住單車欣賞河畔風景，河邊亦有休憩地方可以坐低欣賞下景色～而四周都滿佈綠色植身，環境自然有時仲會見到牛牛添🐮
第二站：大水管鐵路
雙魚河過橋後往右邊去，就會到達大水管。呢個大水管其實係輸送東江水，係唔少人嚟打卡嘅地點同時係唔少電影/MV取景嘅地方～如果想坐/企係大水管上面影相大家就要小心啲注意安全‼️而水管旁邊就係鐵路，等埋火車經過先影相仲有Feel💕！
第三站：鴻淘士多‧羅太豆花
踏到攰攰到可以去 #羅太豆花 食返碗豆腐花😋 休息一下再踩去羅湖邊境。除左豆腐花之外，仲有其他豆制食品及熱食，踏到肚餓都可以醫下肚！
第四站：羅湖邊境
沿梧桐河直行，再穿過一條隧道就差唔多到羅湖邊境。係到可以望到深圳嘅建築物，亦都見到”邊境禁區”告示板，大家可以影相到此一遊！
快啲約埋朋友一齊踏單車打吓卡放鬆下啦🤣～
上水 - 大水管單車遊
路線：上水地鐵站->上水單車匯合中心/上水單車特賣場 (租單車)->雙魚河 + 梧桐河 -> 大水管 -> 羅太豆花 -> 羅湖邊境 (原路折返) 來回：6km
Comments