食鐵板燒除左想食即煮即食嘅美食之外，仲希望有視覺上嘅享受。今次嚟咗呢間龍驤試下佢嘅「全10品廚師發辦2人晚餐」連服務$1300幾，包括10種食物，不過食完都幾失望下😓
✨前菜 (枝豆 + 醃洋蔥)
醃洋蔥個人唔鍾意食好酸，枝豆無咩特別
✨廚師發板•刺身5切口
刺身有油甘魚、三文魚腩、甜蝦、 拖羅(無講中拖/大拖)、帶子。刺身嚟講質素唔算差，每款都算好食。可以話係全餐最好食嘅野
✨吞拿魚蓉杯
一件壽司嘅size，味道不過不失。不過其中一份有啲筋。
✨安格斯牛薄燒 ＋ 炒日本野菜 (呢到計2個菜式)
份安格斯牛「薄」燒都真係幾薄下👀，就咁睇份牛唔算咩靚牛，係好普通嘅安格斯牛。俾3百幾蚊任食火鍋嘅牛肉都可能靚過佢...而呢到每人2片但收呢個價錢俾呢種質素，餐廳都幾孤寒下。另外牛肉用嚟包金菇，但師傅打開個金菇包裝就直接攞去煮完全冇洗過！衛生方面真係唔得🥲（睇落唔似日本金菇，似街市幾蚊包嘅包裝)
而炒日本野菜只係一片翠玉瓜同半舊大啡菇
✨鐵板珍寶大蝦
呢餐鐵板燒熱食當中得呢個蝦係比較好食，蝦肉都彈牙，食到蝦嘅鮮味
✨廚師發板 • 爐端燒3本
串燒有雞翼、雞軟骨、秋葵，味道唔算好好，正常發揮。但如果呢個價錢食普通串燒嘅質素就唔多得。。加上上菜時已經唔算好熱，而雞翼就燒得最差，肉質好乾，雞翼嚟講可以話唔合格🙅🏻♂️！
✨櫻花蝦炒飯
呢個炒飯最唔掂，炒到好乾，茶餐廳嘅炒飯都好過佢😣
✨吸物(麵豉湯)
唔好飲，日式餐廳連麵豉湯都唔好飲
✨甜品 - 無咩特別。。
呢個餐仲有包清酒1份。聽到其他枱嘅食客都話唔得。環境又無咩特別，不過$1300兩個人又有咁多款式嚟講只可以話一分錢一分貨啦～
Σχόλια