路線：貨櫃特色小鎖 + 紅磚屋市集 + 壁村
雖然暫時好多娛樂活動未能重開，但我哋可以遊覽香港嘅另一面～今次介紹元朗錦上路其實都有唔少景點俾你休閒感受香港文化！
第一站：盈滙坊 貨櫃特色小鎮 呢個地方嘅小屋設計以貨櫃箱為主題，係一條戶外商業街～雖然入面嘅商鋪唔算好多，但環境就比較寫意，好多人話環境有啲似首爾嘅 Common Ground。商業街中間有條小河加上周圍嘅花草，令環境更加有異國風情，岩晒想打卡影相嘅朋友！ 除左欣賞呢到啲環境之外，呢度仲有啲餐廳俾你坐低食下野
地址： 錦田吉慶園250號
第二站：錦田紅磚屋 呢度係一個周末市集嚟～以前係蠟燭工廠。所以入面唔少得有賣蠟燭嘅鋪頭～除左蠟燭鋪之外，仲有超過50檔商店，包括古著、花店、食店、裝飾品等，唔同種類嘅野都有啲！不過大家星期六日及假期先好嚟，因為星一至五啲檔頭唔開
第三站：錦田壁畫村 紅磚屋再行多陣就會到達呢個壁畫村！叫得做壁畫村當然係有唔少壁畫俾你睇～村內有超過40幅唔同嘅壁畫，每幅畫嘅主題都唔同，大家可以搵晒40幅出嚟同佢地打卡影相！有啲壁畫仲好有新年氣氛添！不過入村參觀大家就要守規矩啲，唔好過嘈吵擾攘入面嘅居民
Comments