新增戶外遊玩雕塑！多個精彩藝術展任你睇
香港嘅娛樂場所因疫情關閉咗好耐～今日4月21日終於重開部分場所！
博物館就喺其中一個獲放寛限制場所，講到博物館點少得M+博物館！
館內有多個展覽，我哋為大家介紹其中幾個先～
M+博物館展覽1：視界流動 by 納里尼 · 馬拉尼
納里尼 · 馬拉尼是影像藝術和實驗電影的先驅～呢個「視界流動」展覽將呈獻三件主要作品《烏托邦》（1969—1976）、《回憶瘋狂的梅格》（2007—2019）及《你能聽見我嗎？》（2018—2020）
當中會以錄像及電影方式展示嘅藝術，透過作品探討戰爭同暴力嘅影響，以及女性面對嘅壓迫，喺為社會不公發聲嘅作品。作品嘅風格仲幾特別，嚟參觀其中一個必到展覽及打卡位！
M+博物館展覽2：懸浮，香港在威尼斯 by 徐世琪
透過徐世琪嘅繪畫、流動影像、刺繡及裝置作品，展覽試圖探索「浮於空中」所代表嘅多重文化與政治能量。呈現人如何面對已經改變和正在改變嘅現實世界，佢嘅虛構敘事創造一個複合空間，賦予大家探索禁忌觀點嘅自由。
如果鍾意欣賞刺繡、水墨嘅作品就要去吓呢個展館睇吓！
此展館將於2022年4月23日開放
M+博物館展品：聲之通天繩
作品由一條條綁滿鈴鐺嘅繩子組成，從不同高度懸垂至地面，用鏡深嚟影都幾有feel架! 創作靈感源自韓國神話故事「變成日月的兄妹」，傳說兄妹兩人為躲避地上嘅險境，爬上從天而降嘅繩索，最後登天變成日月。喺一個充滿神秘感嘅展品，M+工作人員仲會不定時搖動繩子！
M+博物館新設施：戶外遊玩雕塑「M+遊戲地景」
設計源自雕塑家兼設計師野口勇，鼓勵觀衆可以拘無束地與雕塑自由互動。啱晒家長帶小朋友嚟睇藝術展之餘，俾小朋友嚟「M+遊戲地景」放電！
*但請注意安全，兒童須由家長陪同。
其他打卡位：
M+博物館
開放時間：
星期二至日：上午 10 時至下午 6 時
星期五延長開放時間至晚上 10 時
最後入場時間為閉館前 30 分鐘
地點：香港九龍西九文化區博物館道 38 號
預約網址：https://reurl.cc/0po5MA (現時仍然免費預約)
Comments