紅磚建築打卡位～參觀藝術/文化展館，仲可以品嘗文青Cafe！
解鎖香港歷史，今次介紹呢個饒宗頤文化館係香港嘅三級歷史建築，已有130年嘅歷史！以前曾做過檢疫站、監獄、醫院等，而宜家就經過活化成文化館～佢嘅紅磚外牆就係當時嘅建築特色，嚟影相都幾靚， 襯埋復古衣著仲有feel!
除左紅磚特色之外，館內仲有個小小嘅蓮花池！岩晒做影相背景～
呢度不時會舉辦啲文化藝術活動同工作坊俾大家參加架，大家可以留意一下「饒宗頤文化館」網站同社交平台所發出嘅最新消息。
歷史展覽館
饒宗頤文化館嘅歷史有過百年，當然唔少得展出呢度嘅歷史！所以其中一個展館就記錄左建築物唔同時代嘅用途，透過唔同嘅圖片、影片及文字為大家解釋一下當時嘅發展因由！
叫得饒宗頤文化館，當然係同 #饒宗頤 有關啦～呢度有展出饒宗頤先生嘅作品，仲會不時展出其他不同嘅藝術作品。
館內餐廳：Coffeeflow
行行下肚餓都唔緊要，因為館內有Cafe可以嘆下咖啡同食下野！呢間Cafe叫 Coffeeflow，餐廳環境仲有特設打卡位，店外更係有田園Feel～嚟食野之餘都可以打卡。其中一個招牌菜係 招牌龍蝦仔白汁意粉 $98
饒宗頤文化館 文化園區 下區：星期一至日，上午8時至下午6時 中區：星期一至日，上午8時至晚上10時 下區 藝術館展室一常設展覽 星期二至日：上午10時 – 下午6時 (逢星期一休館，公眾假期除外。) 下區 保育館常設展覽 星期二至日：上午10時 – 下午6時 (逢星期一休館，公眾假期除外。) 地址： 美孚新邨青山道800號
Coffeeflow 地址：美孚青山道800號 饒宗頣文化館1/F G座 時間：9:00-18:00
Comments