舢舨船喺香港其中一項特色文化，因為以前香港其實喺小漁村，唔少人係靠漁業為生🌊。
但香港嘅城市發展急速，香港嘅水上文化都愈嚟愈少見👀～想認識多啲舊香港，水上人嘅歷史絕對唔少得！而 #浪遊漁港1773 就有舉辦香港仔舢舨遊🛶，俾大家乘搭舢舨船遊香港仔，全程有語音導賞🔊介紹當中嘅歷史文化、踏足舊日香港仔住家艇、品嚐地道小食等🤩！
特色景點(1)：《食神》 取景地
其中一個景點就係大家都好熟悉嘅經典電影由周星馳所拍《食神》 取景地 - 珍寶海鮮舫！不過珍寶海鮮舫已經係2020年3月結業，政府有計劃進行活化但現時未有進一步消息。所以我哋只能夠係外圍欣賞呢座建築物～
特色景點(2)： FLOAT 玻璃船
仲會經過 FLOAT 玻璃船，呢個係一個遊艇餐廳嚟，多數用作舉行婚禮嘅場地。底層係落地玻璃，外形係幾靚架
特色景點(3)： 水上人住家艇
除左遊覽香港仔嘅沿海景點之外，仲會登上住家艇，艇內設有關於香港漁民文化展覽俾大家了解更多漁民昔日嘅生活環境,當中展出漁民嘅舊相片、捕魚工具、擺放傳統魚乾小食俾大家欣賞。雖然地方唔算大，但特設左個「漁」字霓虹燈嘅打卡位俾大家打卡影相！
如果買午餐票嘅朋友仲有得食傳統艇仔粉😋，湯底係大地魚湯🐟！小編就幾鍾意個湯底😍，有好濃嘅胡椒味食落幾暖胃。雖然用料唔係咩名貴食材，配料包括魚蛋、燒鴨、雞等，再加上河粉， 但食落都幾惹味
週末有時間大家可以試吓舢舨遊，遊下船河食下艇仔粉，認識不一樣嘅香港🇭🇰～
香港仔舢舨遊
價錢：$158/位
香港仔舢舨遊午餐票（含艇仔粉）
價錢：$198/位
https://reurl.cc/Op1DyX (kkday)
Comments