天氣開始轉涼啱晒去野餐
1.數碼港海濱公園
係港島區，位置比較偏僻，所以比較少人 。呢度地方夠大，佔地60萬平方呎，搵位都易啲，而且近海可以見到成個海景🌊。不過可能就會大風啲。呢度好近數碼港商場，方便大家買下野食😋，就唔洗攞住太多野去～
地址：鋼綫灣數碼港道100號
2.佐敦谷公園
呢個公園除左有片草地可以俾大家野餐之餘，仲有其他休閒設施，例如溫室、遙控模型賽車場、兒童玩樂設施等，一家大細嚟就多啲活動選擇。 附近有屋村商場買野都方便啲～
而位置係觀塘區，去都易啲🚶🏻
時間： 每日上午5時至晚上11時
地址：九龍觀塘新清水灣道71號號
3.南昌公園
係南昌地鐵站行去只需10分鐘左右，好方便。雖然唔係景色好靚嘅地方，但勝在普通先唔會咁多人去。係深水埗買完野食行過去又得，如果大家只係想有個空地野餐下就岩😆。
地址：深水埗深旺道 20 號
4.山頂公園🚠
呢個地方相信比較少人會去，位於中環嘅太平山上面。上到山頂需要行15-20分鐘先到達。但呢到嘅平地都充足，而山頂公園有幾個範圍，每個範圍都有個小涼亭，怕曬嘅可以喺亭入面野餐都得。相中嘅涼亭花圃可以影到田園氣息嘅相，同埋位於山頂可以見到成個港島嘅景色。食飽想做運動仲可以行下附近嘅西高山！
地址： 山頂柯士甸山道
5. 青衣公園
鄰近青衣地鐵站，只而要幾分鐘路程就去到！方便大家去附近商場買嘢食去野餐。而且公園有唔少花草樹木及有一個小湖～都幾寫意架。
地址：青衣青敬路60號
6. 添馬公園
位於金鐘站附近，喺市區野餐嘅好選擇。呢到野餐比較方便，可以喺附近餐廳買野食過嚟🤣。但人流就一定比較多，同埋比較多外傭聚集嘅地方。
7. 西九龍藝術公園
位於九龍西九文化區西南部，喺九龍站落車大約行10分鐘。呢到同樣有一大片草地，隔離就係西九海濱長廊🌊，可以面對住海景野餐🧺。呢到仲有單車租借服務，除咗野餐仲可以 #踩單車🚴♀️做運動。而西九文化區入面仲有啲特別設計嘅建築，可以搵地方影吓相📸
Comments